Njan Prakashan

"എല്ലാവർക്കും ഞാൻ കണ്ട സിനിമയുടെ ഹൃദയം നിറഞ്ഞ  പുതുവത്സരാശംസകൾ "

"മനസ് നിറച്ചു  പി കെ ആകാശ് എന്നാ പ്രകാശൻ "

അങ്ങനെ കഴിഞ്ഞ വർഷത്തെ അവസാന തിയേറ്റർ ചിത്രവും ഈ വർഷത്തെ എന്റെ ആദ്യ ആസ്വാദന കുറിപ്പും ആയി ഈ ശ്രീനിവാസൻ -ഫഹദ് -സത്യൻ അന്തിക്കാട് ചിത്രം...

ശ്രീനിവാസൻ കഥയും തിരക്കഥയും രചിച്ച ഈ മലയാളം satirical comedy ചിത്രം പറയുന്നത് പ്രകാശൻ എന്നാ സാധാരണാകരന്റെ കഥയാണ്... ഒരു ഗുമിന് വേണ്ടി പ്രകാശ് എന്നാ പേര് മാറ്റി പി കെ ആകാശ് എന്ന് മാറ്റിയ അദേഹം നഴ്സിംഗ് പഠിച്ചു വലിയ ശമ്പളം കിട്ടിട്ടേ ജോലിക്ക് കേറൂ എന്ന് വാശിപിടിക്കുന്ന ഇപ്പോഴത്തെ യുവാക്കളുടെ പ്രതിപുരുഷൻ ആണ്...ജര്മനിയിൽ വലിയ ജോലിക്ക് കേറാൻ സേയോമി എന്നാ പെൺകുട്ടിയെ സ്നേഹിക്കുന്ന അയാളുടെ ജീവിതത്തിൽ പിന്നീട് അപ്രതീക്ഷിതമായി ഒരു സംഭവത്തെ തുടർന്ന് അദ്ദേഹത്തതിന് ഗോപാല്ജി എന്നാ മനുഷ്യനെ കണ്ടുമുട്ടേണ്ടി വരുന്നതും പിന്നീട് പ്രകാശന്റെ ജീവിതത്തിൽ നടക്കുന്ന സംഭവങ്ങളിലൂടെ ചിത്രം സഞ്ചരിക്കുന്നു.....

പ്രകാശൻ ആയി ഫഹദിന്റെ ഗംഭീര പ്രകടനം ആണ് ചിത്രത്തിന്റെ ഏറ്റവും വലിയ പ്ലസ് പോയിന്റ്... ലാലേട്ടന് ശേഷം ഇത്രെയും മികച്ച രീതിയിൽ ചമ്മാനും, കോമഡി കൈകാര്യം ചെയ്യാനും പിന്നെ ഓട്ടം, ഒരു രക്ഷയും ഇല്ലാത്ത ഓട്ടം ഓടാനും ഇങ്ങേരെ പോലത്തെ ഒരു യുവനടൻ മലയാളത്തിൽ ഉണ്ടോ എന്ന് സംശയം ആണ്.....   ഒരു നായ അദ്ദേഹത്തെ ഓടിക്കുന്ന രംഗമുണ്ട്.. ചിരിച്ചു ഊപ്പാടം ഇളകി... അതുപോലെ ടീന മോൾ എന്നാ കഥാപാത്രം ആയി എത്തിയ Devika Sanjay യുടെ അഭിനയം എടുത്തു പറയേണ്ടതാണ്.... മികച്ച അഭിനയം ആണ് അവരുടെ ഭാഗത്തിന് നിന്നും ഉണ്ടായത്... ശ്രീനിവാസൻ ചെയ്ത ഗോപാൽ ജി എന്നാ കഥാപാത്രവും കൈയടി അർഹിക്കുന്നു.... പ്രകാശനും-ഗോപാല്ജിയും തമ്മിലുള്ള സംഭാഷണങ്ങൾ തന്നെ മതി ചിത്രത്തിലെ ചിരിയുടെ മാലപ്പടക്കത്തിനു തിരികൊളുത്താൻ.... പണ്ടത്തെ ലാലേട്ടൻ-ശ്രീനിവാസൻ കോംബോയുടെ ആ ഒരു ഇത് ഈ ചിത്രത്തിലൂടെ നമ്മുക്ക് കിട്ടി.... അതുപോലെ അഞ്ചു കുര്യന്റെ ശ്രുതി, കെ പി യെ സീ ലളിത ചേച്ചിയുടെ പോളി എന്ന കഥാപാത്രവും കൈയടി അർഹിക്കുന്നു..  ഇവരെ കൂടാതെ നിഖില വിമൽ, ജയശങ്കർ, അനീഷ് എന്നിങ്ങനെ എല്ലാവരും അവരുടെ റോൾസ് അതിഗംഭീരമാക്കി....

Full Moon Cinema യുടെ ബന്നേറിൽ Sethu Mannarkad നിർമിച്ച ചിത്രം Kalasangham Films,Evergreen Films എന്നിവർ ചേർന്നാണ് വിതരണം നടത്തിയത്. .. ഷാൻ റഹ്മാൻ ഈണമിട്ട മൂന്ന് ഗാനങ്ങൾ ഉള്ള ചിത്രത്തിലെ ബംഗാളി പാട്ടു ഒരു വേറിട്ട അനുഭവം ആയി.... ബാക്കി രണ്ട് ഗാനങ്ങളും ഇഷ്ട്ടപെട്ടു... എസ് കുമാറിന്റെ ഛായാഗ്രഹണവും കെ രാജഗോപാലിന്റെ എഡിറ്റിംഗും മികച്ച അനുഭവം ആയി...ക്രിട്ടിൿസിന്റെ ഇടയിൽ മികച്ച അഭിപ്രായം നേടിയ ചിത്രം ബോക്സ്‌ ഓഫുസിലും മികച്ച പ്രകടനം നടത്തട്ടെ എന്ന് ആശംസിക്കുന്നു.....ഒരു മികച്ച ചലച്ചിത്രാനുഭവം....

Rustom(hindi)

"3 shots that shocked the nation"..

K. M. Nanavati vs. State of Maharashtra എന്നാ യഥാർത്ഥ സംഭവത്തെ ആസ്പദമാക്കി Vipul K Rawal തിരക്കഥ രചിച്ച ഈ Tinu Suresh Desai ചിത്രത്തിൽ അക്ഷയ് കുമാർ, ഇലിയനാ ഡിക്രൂസ്, ഇഷാ ഗുപ്ത, പവൻ മൽഹോത്ര എന്നിവർ പ്രധാനകഥാപാത്രങ്ങൾ ആയി എത്തി....

ചിത്രം പറയുന്നത് റുസ്തം പാവ്‌രി എന്നാ നേവൽ ഓഫീസറുടെ കഥയാണ്... ഭാര്യ സിന്തിയയുമായി നല്ലൊരു കുടുംബജീവിതം ജീവിച്ചുപോരുകായായിരുന്ന റുസ്‌തം ഒരു ദിനം ഭാര്യയുടെ അവിഹിത ബന്ധം കണ്ടുപിടികുനതും അതിന്റെ അവസാനം അദേഹം വിക്രം മഖീജ എന്നാ അയാളെ സ്വന്തം തോക്കിൽ നിന്നും "മൂന്ന് വെടി" വച്ചു  കൊലപ്പെടുത്തുകയും ചെയ്യുന്നു....അങ്ങനെ അദ്ദേഹം പോലീസ് കസ്റ്റഡിയിൽ എത്തുന്നതും അദ്ദേഹം ആ കേസിൽ നിന്നും തന്റെ ബുദ്ധിസാമർഥ്യത്താൽ എങ്ങനെ പുറത്തിറങ്ങുന്നു എന്നൊക്കെയാണ് പിന്നീട് ചിത്രം പറയുന്നത്....

Zee Studios,KriArj Entertainment,Cape Of Good Films,Plan C Studios എന്നി പ്രൊഡക്ഷൻ കമ്പനികളുടെ ബന്നേറിൽ Neeraj Pandey,Aruna Bhatia,Nittin Keni,Suvidesh Shingade,Bhaumik Gondaliya,Ishwar Kapoor,Shital Bhatia എന്നിവർ  നിർമിച്ച ഈ ചിത്രം Zee Studios ആണ് വിതരണം നടത്തിയത്....

Manoj Muntashir യുടെ വരികൾക്ക് Arko Pravo Mukherjee, Raghav Sachar, Jeet Gannguli, Ankit Tiwari എന്നിവർ ഈണമിട്ട പത്തോളം ഗാനങ്ങൾ ആണ് ചിത്രത്തിൽ ഉൾപ്പെട്ട ഈ ചിത്രത്തിന്റെ ഗാനങ്ങൾ Zee Music Company ആണ് വിതരണം നടത്തിയത്... Surinder Sodhi ആണ് ചിത്രത്തിന്റെ ത്രിസ്സിപ്പിക്കുന്ന  ബി ജി എം.... Shree Narayan Singh എഡിറ്റിംഗ് നിർവഹിച  ചിത്രത്തിന്റെ ഛായാഗ്രഹണം Santosh Thundiyil നിർവഹിച്ചു.... മികച്ച ഒരു അനുഭവം ആയിരുന്നു ഈ വിഭാഗങ്ങൾ....

64th National Film Awards ഇലെ മികച്ച നടനുള്ള അവാർഡ് അക്ഷയ് കുമാർ നേടിയ ഈ ചിത്രം 9th Mirchi Music Awards, Zee Cine Awards, Lux Golden Rose Awards,9th Mirchi Music Awards എന്നി അവാർഡ് നിശകളിലും സ്വന്തം സാന്നിധ്യം അറിയിച്ചു.... ക്രിട്ടിസിന്റെ ഇടയിൽ മികച്ച അഭിപ്രായം നേടിയ ചിത്രം ആ വർഷത്തെ ബോക്സ്‌ ഓഫീസിലും മികച്ച വിജയം നേടി.... എന്റെ ഏറ്റവും പ്രിയപ്പെട്ട അക്ഷയ് കുമാർ ചിത്രങ്ങളിൽ ഒന്ന്... Don't miss

Oopiri(tamil/telugu)

Olivier Nakache & Éric Toledano യുടെ ഫ്രഞ്ച് കോമഡി ചിത്രം The Intouchables ഇന്റെ തമിൾ/തെലുഗ് പതിപ്പ് ആയ ഈ തമിൾ കോമഡി    ഡ്രാമ ചിത്രത്തിൽ Akkineni Nagarjuna, Karthi, Tamannaah എന്നിവർ പ്രധാനകഥാപാത്രങ്ങൾ ആയി എത്തി....

Vamsi Paidipally,Hari,Solomon,Abburi Ravi(Telugu),Raju Murugan (Tamil) എന്നിവരുടെ കഥയ്ക്കും തിരക്കഥയ്ക്കും Vamsi Paidipally സംവിധാനം ചെയ്ത ഈ ചിത്രം പറയുന്നത് വിക്രമാദിത്യതയുടെയും അദേഹത്തിന്റെ care taker ആയ സീനുയുടെയും കഥയാണ്..... കുറച്ചു വർഷങ്ങൾക്കു മുൻപ് പാരിസിൽ നടന്ന ഒരു ആക്‌സിഡന്റ് വിക്രമാദിത്യയെ  കാമുകിയായ നന്ദിനിയിൽ നിന്നും അകലാൻ കാരണമാകുന്നു.... വർഷങ്ങൾക്കു ഇപ്പുറം ഇവിടെ ഒരു ജീവച്ഛവമായി ജീവിക്കുന്നാ അദേഹത്തിന്റെ അടുത് കെയർ ടേക്കർ ആയി സീനുവും സെക്രെകേട്ടറി കീർത്തിയും  എത്തുന്നതോട് കുടി നടക്കുന്ന സംഭവങ്ങൾ ആണ് ചിത്രത്തിന്റെ ഇതിവൃത്തം....

Akkineni Nagarjuna വിക്രമാദിത്യ ആയി എത്തിയ ചിത്രത്തിൽ സീനു ആയി കാർത്തിയും കീർത്തി ആയി തമന്നയും എത്തി... ഇവരെ കൂടാതെ പ്രകാശ് രാജ്, ജയസുധ, കല്പന ചേച്ചി, എന്നിങ്ങനെ വലിയൊരു താരനിര തന്നെ ചിത്രത്തിൽ ഉണ്ട് ... PVP Cinema ഇന്റെ ബന്നേറിൽ Prasad V Potluri നിർമിച്ച ഈ ചിത്രം ക്രിട്ടിൿസിന്റെ ഇടയിലും ബോക്സ്‌ ഓഫീസിലും നല്ല അഭിപ്രായവും പ്രകടനവും നടത്തി....

P. S. Vinod ഛായാഗ്രഹണം നിർവഹിച് ചിത്രത്തിന്റെ എഡിറ്റിംഗ് Madhu(Telugu),Praveen K. L.(Tamil) എന്നിവർ ചേർന്നു നടത്തി...... Madhan Karky(tamil),Ramajogayya, Sirivennela Sitarama Sastry(telugu) എന്നിവരുടെ വരികൾക്ക് ഗോപി സുന്ദർ ഈണമിട്ട ഏഴോളം ഗാനങ്ങൾ ഉള്ള ഇതിലെ ഗാനങ്ങൾ Junglee Music ആണ് വിതരണം നടത്തിയത്..... ഒരു നല്ല ചലച്ചിത്രാനുഭവം....

Drama

രഞ്ജിത്ത് കഥയും തിരക്കഥയും സംവിധാനവും നിർവഹിച്ച ഈ മലയാള കോമഡി ഡ്രാമ ചിത്രത്തിൽ മോഹൻലാൽ, അരുന്ധതി നാഗ്, ആശ ശരത്, എന്നിവർ പ്രധാന കഥാപാത്രങ്ങൾ ആയി എത്തി....

ലണ്ടനിൽ താമസമാക്കിയ റോസമ്മ ചാക്കോയുടെ മരണവും അവരുടെ അവസാന കർമങ്ങൾ ചെയ്യാൻ അവർ ഏല്പിക്കുന്ന അവിടത്തെ ഫ്യൂണറൽ മാനേജ്മെന്റ് ടീമിലെ അംഗം ആയ രാജഗോപാൽ എത്തുന്നതോട് കുടി നടക്കുന്ന ചില സംഭവങ്ങൾ ആണ് കൊമേഡി ഡ്രാമയായി ഈ ചിത്രം നമ്മളോട് പറയുന്നത്....

രാജഗോപാൽ ആയി ലാലേട്ടന്റെ മിന്നും പ്രകടനം അല്ലാതെ വേറെ ഒന്നും കരുതിട്ടില്ലാത്ത ഈ ചിത്രത്തിൽ റോസമ്മ ആയി എത്തിയ അരുന്ധതി നാഗും, ആശ ശരത്തിന്റെ രേഖയും റോൾസ്  നന്നായി അവതരിപ്പിച്ചു... ഇവരെ കൂടാതെ കനിഹ, ബൈജു, ജോണി ആന്റണി, ദിലീഷ് പോത്തൻ, സുരേഷ് കൃഷ്ണ, ടിനി ടോം എന്നിങ്ങനെ വലിയൊരു താരനിര ചിത്രത്തിൽ ഉണ്ട്...

Varnachithra Goodline Productions,Lilypad Motion Pictures UK എന്നിവരുടെ ബന്നേറിൽ M. K. Nassar,Maha Subair എന്നിവർ നിർമിച്ച ഈ ചിത്രം Goodline Release ആണ് വിതരണം നടത്തിയത്... ബിജിപാൽ പാശ്ചാത്തലസംഗീതം നിർവഹിച്ച ചിത്രത്തിന്റെ സംഗീതം Vinu Thomas ആണ് നിർവഹിച്ചത്. ലാലേട്ടൻ പാടിയ ഒരു ഗാനം മാത്രം ആണ് ചിത്രത്തിൽ ഉള്ളത്...

അളഗപ്പൻ ഛായാഗ്രഹണം നിർവഹിച്ച ചിത്രത്തിന്റെ എഡിറ്റിംഗ് Sandeep Nandakumar നിർവഹിച്ചു... ക്രിട്ടിൿസിന്റെ ഇടയിൽ മിക്സഡ് റിവ്യൂസ് നേടിയ ചിത്രം പക്ഷെ ബോക്സ്‌ ഓഫീസിൽ വിജയിച്ചില്ല... ഒരു വട്ടം കാണാം... ശരിക്കും ഒരു തട്ടിക്കൂട്ടി പടം...

Talaash : The answer lies within (hindi)

"അത് ഒരു നേരെയുള്ള റോഡ് ആണ് എന്നിട്ടും അവിടെ ഇങ്ങനെ ഒരു ആക്‌സിഡന്റ്?? "

Reema Kagti, Zoya Akhtar എന്നിവർ ചേർന്നു എഴുതിയ കഥയ്ക് ആവട്ടെ തന്നെ തിരക്കഥ രചിച്ച Farhan Akhtar, Anurag Kashyap എന്നിവർ ചേർന്നു ഡയലോഗ് എഴുതിയ ഈ ഹിന്ദി psychological horror crime thriller ചിത്രം Reema Kagti ആണ് സംവിധാനം നിർവഹിച്ചത്...

ചിത്രം തുടങ്ങുന്നത് ആ നാട്ടിലെ പ്രമുഖ നടൻ ആയ അർമാൻ കപൂറിൻറെ വിജയാനമായ റോഡിൽ നടക്കുന്ന  ആക്‌സിഡന്റ് നിന്നും ആണ്... ആ കേസ് അന്വേഷകാൻ സീനിയർ പോലീസ് ഇൻസ്‌പെക്ടർ ആയ സുർജെൻ സിംഗ് ശെഖാവത്തും അദ്ദേഹത്തിൻറെ അസിസ്റ്റന്റ് ദേവരാത്ത കുൽക്കർണിയും എത്തുന്നതും അതിന്ടെ സുർജെൻറെ സ്വന്തം ജീവിതത്തിലെ പ്രശ്ങ്ങളും അലട്ടുന്നതും അങ്ങനെ ആ കേസ് അദേഹത്തിന്റെ ജീവിതത്തിനെ എങ്ങനെ മാറ്റി മറിക്കുന്നു മറിക്കുന്നു എന്നൊക്കെയാണ് നമ്മളോട് പറയുന്നത്....

സുർജെൻ സിംഗ് ശെഖാവത് ആയി ആമിർ ഖാനിന്റെ മിന്നും പ്രകടനം ആണ് ചിത്രത്തിന്റെ ഹൈലൈറ്..അദ്ദേഹത്തിൻറെ ഭാര്യ
രോഷ്നി ആയ റാണി മുഖർജിയും അദേഹത്തിന്റെ ജീവിതത്തിലേക്ക്  വരുന്ന ഒരു നിഗൂടാ കഥാപാത്രം ആയ റോസി ആയി കരീന കപൂറും മറ്റു പ്രധാന കഥാപാത്രങ്ങൾ ആണ്... ഇവരെ കൂടാതെ രാജ്‌കുമാർ രോ, നവാസുദ്ദിൻ സിദ്ദിഖി, സുഹാസ് ആഹുജ എന്നിവരും മറ്റു പ്രധാനകഥാപാത്രങ്ങൾ ആയി ചിത്രത്തിൽ ഉണ്ട് ..

K. U. Mohanan നിർവഹിച്ച അതിഗംഭീര  ഛായാഗ്രഹണം ഉള്ള ഈ ചിത്രത്തിന്റെ എഡിറ്റർസ് Anand Subaya,Harshith എന്നിവർ ചേർന്നു ആണ്... Javed Akhtar ഇന്റെ വരികൾക്ക് Ram Sampath ഈണമിട്ട ചിത്രത്തിലെ  ഗാനങ്ങൾ എല്ലാം മികച്ചവയായിരുന്നു.... Excel Entertainment, Aamir Khan Productions എൻറെ ബന്നേറിൽ Farhan Akhtar, Ritesh Sidhwani, Aamir Khan എന്നിവർ ചേർന്നു നിർമിച്ച ഈ ചിത്രം Reliance Entertainment ആണ് വിതരണം നടത്തിയത്....

ക്രിട്ടിസിന്റെ ഇടയിൽ മികച്ച റിവ്യൂസ് നേടിയ ചിത്രം ആ വർഷത്തെ ബോക്സ്‌ ഓഫീസിളും അതിഗഭീര പ്രകടനം നടത്തി.... 5th Mirchi Music Awards ഇന്റെ മികച്ച ലിറിസിസ്റ് അവാർഡ് ജവാദ് അക്തർ ഈ ചിത്രത്തിലൂടെ നേടിയപ്പോൾ പല അവാർഡ് വേദികളിലും ചിത്രം ആദരിക്കപ്പെട്ടു... 2013 ഇലെ South African Indian Film Awards ഇൽ റാണി മുഖർജിയെ തേടി Best Actress പുരസ്കാരവും എത്തി.. കാണാത്തവർ തീർച്ചയയും കണ്ടിരിക്കേണ്ട ഒരു മികച്ച ചിത്രം....

White god(Feher isten:Hungarian)

Kornél Mundruczó,Viktória Petrányi,Kata Wéber എന്നിവർ ചേർന്നു എഴുതിയ കഥയ്ക്കും തിരക്കഥയ്ക്കും Kornél Mundruczó സംവിധാനം നിർവഹിച്ച ഈ ഹംഗേറിയൻ ഡ്രാമ ചിത്രം 2014 ഇലെ cannes film ഫെസ്റ്റിവലിൽ ആണ് ആദ്യമായി പ്രദർശനം നടത്തിയത്...

ചിത്രം പറയുന്നത് ലില്ലിയും അവളുടെ ഉറ്റ സുഹൃത്തായ Hagen എന്നാ നായയുടെയും കഥയാണ്.... കുറെ വർഷങ്ങൾക്കു ശേഷം അച്ഛന്റെ കൂടെ നിൽക്കാൻ പോകുന്ന ലില്ലിക് അച്ഛന്റെ ആവശ്യപ്രകാരം hagen നെ ഉപേശിക്ഷിക്കേണ്ടി വരുന്നതും അങ്ങനെ പല ആള്കാരുടെ കയ്യിൽ എത്തുന്ന hagen അവരുടെ ഒക്കെ അടിമത്തത്തിനു വിധേയമാകേണ്ടി വരുന്നതോട് കുടി മനുഷ്യകുലത്തിനു നേരെ തിരിയുന്നതും ആണ് കഥാസാരം..

Hagen എന്നാ കഥാപാത്രം ചെയ്ത Bodie and Luke എന്നി നായകൾ തന്നെ ആണ്  ചിത്രത്തിന്റെ ഹീറോ... ഒരു മികച്ച കഥാപാത്രം ആയിരുന്നു അത്... അതുപോലെ ലില്ലി ആയി എത്തിയ Zsófia Psotta യുടെയും, ഡാനിയേൽ എന്നാ കഥാപാത്രം ആയി എത്തുന്ന Sándor Zsótér ഇന്റെ കഥാപാത്രവും മികച്ചതായി...ഇവരെ കൂടാതെ Lili Horváth, Szabolcs Thuróczy, Gergely Bánki, എന്നിവരും അവരുടെ കഥാപാത്രം മികച്ചതാക്കി..

ഏകദേശം 225 യിൽ പരം നായകൾ ഉള്ള ഈ ചിത്രത്തിന് People for the Ethical Treatment of Animals ഇന്റെ പ്രത്യേക അനുമതിയോടെ ആണ് ചിത്രീകരണം ആരംഭിച്ചത്... Asher Goldschmidt സംഗീതം നിർവഹിച്ച ഈ ചിത്രത്തിന്റെ കണ്ണം ചിപ്പിക്കും ഛായാഗ്രഹണം Marcell Rév ആണ് നിർവച്ചത്... Dávid Jancsó ആണ് എഡിറ്റർ. .

The Chimney Pot,Film i Väst,Filmpartners,Hungarian National Film Fund,Pola Pandora Filmproduktions,Proton Cinema,ZDF/Arte എന്നി പ്രൊഡക്ഷൻ കമ്പനികളുടെ സഹായത്തോടെ Eszter Gyárfás,Viktória Petrányi എന്നിവർ ചേർന്നു നിർമിച്ച ഈ ചിത്രം InterCom Zrt.ആണ് വിതരണം നടത്തിയത്..

87th Academy Awards യിലെ ഹംഗറിയിൽ നിന്നും ഉള്ള ഒഫിഷ്യൽ എൻട്രി ആയ ഈ ചിത്രത്തിന് 2014 Cannes Film Festival യിലെ Prize Un Certain Regard അവാർഡും Strasbourg European Fantastic Film Festival ഇലെ Best International Feature Film അവാർഡും ലഭിച്ചിട്ടുണ്ട്.... ഇതിൽ അഭിനിയച്ച നായകൾക് Palm Dog Award ഉം ലഭിച്ചിട്ടുണ്ട്...

ക്രിട്ടിൿസിന്റെ ഇടയിൽ മികച്ച അഭിപ്രായം നേടിയ ഈ ചിത്രം ഹംഗേറിയൻ ഇംഗ്ലീഷ് ഭാഷകളിൽ പുറത്തിറക്കിട്ടുണ്ട്.... അവിടത്തെ ബോക്സ്‌ ഓഫീസിലും മികച വിജയം കാഴ്ചവെച്ച ചിത്രം ഒരു മികച്ച ചലച്ചിത്രാനുഭവം ആയിരുന്നു... കാണു ആസ്വദിക്കൂ .

Lilly

"Bedevilled പോലത്തെ കൊറിയൻ ചിത്രങ്ങളുടെകൂടെ ചേർത്ത് വെക്കാൻ കഴിയുന്ന ഒരു മലയാളം ത്രില്ലെർ ചിത്രം "

പ്രശോഭ് വിജയൻ കഥ തിരക്കഥ സംവിധാനം നിർവഹിച്ച ഈ മലയാളം റിവെന്ജ്  ത്രില്ലെർ ചിത്രത്തിൽ സംയുക്ത മേനോൻ, ആര്യൻ കൃഷ്ണ മേനോൻ, കണ്ണൻ നായർ, ധനേഷ് ആനന്ദ്, സജിൻ ചെറുകയിൽ എന്നി പുതുമുഖങ്ങൾ പ്രധാനകഥാപാത്രങ്ങളെ അവതരിപ്പിക്കുന്നു.....

ചിത്രം പറയുന്നത് ലില്ലിയുടെ കഥയാണ്... ഒരു പൂർണ ഗർഭിണിയായ അവർ സ്വന്തം ഭർത്താവുമൊത്തു moshamilatha കുടുംബജീവിതം നയിച്ചു വരുന്നു.... ഒരു രാത്രി ലില്ലിയെ തേടി ഒരു ഫോൺകാൾ വരുന്നതും അതിന്റെ ബാകിപാത്രമായി അവർ മൂന്ന് ആൾക്കാരുടെ ഇടയിൽ പെട്ടുപോകുന്നതും അവർ അവളെ ടോർച്ചർ ചെയ്യന്നതും  ആണ് കഥാസാരം... അവർ ആരായിരുന്നു? അവൾ അവരുടെ കയ്യിൽ നിന്നും രക്ഷപ്പെടുമോ? ചിത്രം മുൻപോട്ടു പോകുമ്പോൾ "old boy, no mercy" എന്നി കൊറിയൻ ചിത്രങ്ങൾ പോലെ ചിലപ്പോൾ നമ്മൾക്ക് ഒയ്പ്പും ഛർദിയും വന്നാൽ അത്ഭുദം ഇല്ലാ... അത്രെയും മനോഹരം ആണ് ചിത്രത്തിന്റെ ഓരോ ഫ്രെയിസും...

Sreeraj Raveendran ഇന്റെ അതിഗംഭീര ഛായാഗ്രഹണം ആണ് ചിത്രത്തിന്റെ ഏറ്റവും വലിയ പ്ലസ് പോയിന്റ്.... ലില്ലിയെ പൂട്ടിയ മുറിയുടെ ചില സീൻസ് മതി അദേഹത്തിന്റെ കഴിവിനെ തെളിയിക്കാൻ. .. അതുപോലെ Sushin Shyam ഇന്റെ മ്യൂസിക്... ഹോ മാരകം... കുറെ പേടിപിടുത്തണതും haunting ആയ ആ ഒരു വിഭാഗം കൈയടി അർഹിക്കുന്നു... Appu Bhattathiri ഇന്റെ എഡിറ്റിംഗിനും ഒരു കുതിരപ്പവൻ.....

E4 Experiments ഇന്റെ ബന്നേറിൽ Mukesh R. Mehta,C. V. Sarathi എന്നിവർ ചേർന്നു നിർമിച്ച ഈ ചിത്രം E4 Entertainment നിർമിച്ച ഈ ചിത്രത്തിന്റെ സ്റ്റീൽസ് Manu Mohan ഉം, മേക്കപ്പ് ആർ ജി വായനാടനും ആണ് ചെയ്തത്.... സ്റ്റെഫി സേവ്യർ ആണ് കോസ്റ്റുംസ്... ഒരു മികച്ച ചലച്ചിത്രാനുഭവം..... കാണാത്തവർ തീർച്ചയായും കാണു  ആസ്വദിക്കൂ....

Venom(english)

David Michelinie, Todd McFarlane എന്നിവരുടെ Marvel Comics കഥാപാത്രം ആയ  venom എന്നാ പുസ്തകത്തെ ആസ്പദമാക്കി Jeff Pinkner,Kelly Marcel,Scott Rosenberg എന്നിവർ ചേർന്നു തിരക്കഥ രചിച്ച ഈ അമേരിക്കൻ സൂപ്പർ ഹീറോ ചിത്രത്തിൽ Tom Hardy, Michelle Williams, Riz Ahmed, Scott Haze എന്നിവർ പ്രധാനകഥാപാത്രങ്ങൾ ആയി എത്തി...

ഭൂമിയിൽ എത്തുന്ന ഒരു Comet യിൽ നിന്നും ജീവന്റെ അംശം ഉള്ള ഒരു ഭാഗം മലയ്ഷ്യയിൽ പതിക്കുന്നതും അതിനിടെ Eddie Brock എന്നാ ജേര്ണലിസ്റ്റിന്റെ ജീവിതത്തിൽ നടകുന്ന ചില സംഭവങ്ങൾ  അദ്ദേഹത്തിന് അതിൽ നിന്നും വന്ന ഒരു ജീവനുമായി സമ്പർക്കം പുലർത്താൻ നിർബന്ധിക്കുന്നതിൽ നിന്നും ചിത്രം പുതിയ വഴിത്തിരിവിൽ എത്തുന്നതാണ് കഥാസാരം..

Tom Hardy Eddie Brock/Venom എന്നി കഥാപാത്രങ്ങൾ ആയി  എത്തിയ ചിത്രത്തിൽ Michelle Williams,Riz Ahmed,Reid Scott എന്നിവരും മറ്റു പ്രധാനകഥാപാത്രങ്ങളെ അവതരിപ്പിച്ചു... Matthew Libatique ഛായാഗ്രഹണം നിർവഹിച്ച ചിത്രത്തിന്റെ എഡിറ്റിംഗ് Maryann Brandon,Alan Baumgarten എന്നിവർ ചേർന്നാണ് നിർവഹിച്ചത്... Ludwig Göransson ആണ് ചിത്രത്തിന്റെ മ്യൂസിക്...

Columbia Pictures,Marvel Entertainment, Tencent Pictures, Arad Productions[1], Matt Tolmach Productions[1], Pascal Pictures എന്നി പ്രൊഡക്ഷൻ കമ്പനികളുടെ ബന്നേറിൽ Avi Arad, Matt Tolmach, Amy Pascal എന്നിവർ ചേർന്നു നിർമിച്ച ഈ ചിത്രം Sony Pictures Releasing ആണ് വിതരണം നടത്തിയത്.... ക്രിട്ടിസിന്റെ ഇടയിൽ സമ്മിശ്ര അഭിപ്രായം നേടിയ ചിത്രം ബോക്സ്‌ ഓഫിൾസിൽ പക്ഷെ  അതിഗംഭീര പ്രകടനം നടത്തി..... ഒരു രണ്ടാം ഭാഗം നിർമാണത്തിൽ ഉള്ള ഈ ചിത്രം കുട്ടികൾക്കും മുതിർന്നവർക്കും ഒരുപോലെ ആസ്വദിക്കാം....

1am(tamil)

Rahul paramahamsa കഥയും തിരക്കഥയും സംവിധാനവും നിർവഹിച്ച ഈ തമിൾ ഹോർറോർ ചിത്രത്തിൽ മോഹൻ പ്രസാദും  ശാശ്വതയും പ്രധാനകഥാപാത്രങ്ങൾ ആയി എത്തി....

ഒരു കൂട്ടം ചെറുപ്പക്കാരിലൂടെയാണ് ചിത്രം പുരോഗമിക്കുന്നത്.... ഒരു കൊലപാതക അന്വേഷണത്തിന്റെ ഭാഗമായി എത്തുന്ന പോലീസ് അതിലെ ഒരുവനെ കൊലപതകങ്ങൾക് കാരണകാരനായി പിടിക്കുന്നതും പക്ഷെ ആ കൊലപാതകൾ പിറകിൽ ഉണ്ടായ ഒരു ഹോർറോർ സംഭവും എല്ലാം ആണ് ചിത്രത്തിന്റെ ഇതിവൃത്തം...

ശിവ ധർമ എഡിറ്റിംഗ് നിർവഹിച്ച ചിത്രത്തിന്റെ പ്രൊഡ്യൂസർ സംവിധായകൻ തന്നെ ആണ്... വെറുതെ ഒരു വട്ടം കാണാം...

Andhadun(hindi)

Sriram Raghavan,Arijit Biswas,Pooja Ladha Surti,Yogesh Chandekar,Hemanth Rao എന്നിവരുടെ കഥയ്കും തിരക്കഥയ്ക്കും Sriram Raghavan സംവിധാനം നിർവഹിച്ച ഈ ഹിന്ദി ബ്ലാക്ക് കോമഡി ക്രൈം ത്രില്ലെർ ചിത്രത്തിൽ തബു, ആയുഷ്മാൻ ഖുറാനെ, രാധിക ആപ്‌തെ എന്നിവർ പ്രധാനകഥാപാത്രങ്ങൾ ആയി എത്തി...

ആകാശ് എന്നാ ഒരു പിയാനിസ്റ്റിലൂടെയുടെ യാണ് ചിത്രം സഞ്ചരിക്കുന്നത്....അന്ധന്മാരുടെ വിഷമം മനസിലാക്കാൻ അന്ധനായി അഭിനയിച്ചു നടക്കുന്ന അദ്ദേഹത്തിന് ഒരു കൊലപാതകത്തിന് നേരിട്ട് സാക്ഷിയാകേണ്ടി വരുന്നതും അതു  അദ്ദേഹതെ ഒരു വലിയ ആപത്തിൽ കൊണ്ട് ചാടിക്കുന്നതും പിന്നീട് അദേഹതിന്റെ ജീവിതത്തിൽ നടക്കുന്ന സംഭവങ്ങളിലേക്കും ആണ് പിന്നീട് സംവിധായകൻ നമ്മളെ കൂട്ടികൊണ്ടുപോകുന്നത്....

ആകാശ് ആയി ആയുഷ്മാൻ ഖുറാനയുടെ മികച്ച പ്രകടനം ചിത്രത്തിൽ മികച്ചു നിന്നപ്പോൾ സിമി എന്നാ ആകാശിന്റെ ജീവിതം മാറ്റി മറിക്കുന്ന കഥാപാത്രം ആയി തബു ഞെട്ടിച്ചു....പക്ഷെ  താൻ അഭിനയിക്കുന്ന  സിനിമകളിൽ ഒരു ശക്തമായ സ്ത്രീ കഥാപാത്രം ആയി എതിരുള്ള രാധിക ആപ്‌തെയുടെ സോഫി എന്നാ കഥാപാത്രത്തിനു സ്പേസ് കുറഞ്ഞുപോയതായി തോന്നി..... ഇവരെ കൂടാതെ അനിൽ ധവാൻ, സാകിർ ഹുസൈൻ, ഗോപാൽ കെ സിംഗ് ഇങ്ങനെ വലിയൊരു താരനിര ചിത്രത്തിൽ ഉണ്ട്...

ആദ്യ പകുതി സ്ലോ പേസിൽ തുടങ്ങി രണ്ടാം പകുതി മുൾമുനയിൽ നിർത്തിയ ഈ ചിത്രത്തിന്റെ ഛായാഗ്രഹണവും എഡിറ്റിംഗും നിർവഹിച്ച K. U. Mohanan, Pooja Ladha Surti എന്നിവർക്ക് ഒരു ബിഗ് സല്യൂട്ട്.. അതുപോലെ സെക്കന്റ്‌ ഹാഫ് പിടിച്ചിരുത്തിയ സൗണ്ട് ഡിസൈൻ ചെയ്താ മധു അപ്സരക് എന്റെ കൂപ്പുകൾ... അവർക്ക് ആ വിഭാഗത്തിൽ സ്റ്റാർ സ്ക്രീൻ അവാർഡ് ലഭിച്ചിരിക്കുന്നു എന്ന് കേട്ടപ്പോൾ സന്തോഷം തോന്നി... ചിത്രത്തിന്റെ സംഗീതം നിർവഹിച്ച Amit Trivedi,Raftaar,Girish Nakod എന്നിവരും അവരുടെ ഭാഗം ഗംഭീരമാക്കി... Jaideep Sahni, Raftaar, Nakod എന്നിവരുടെതാണ് വരികൾ.... Zee Music Company ആണ് ഗാനങ്ങൾ വിതരണം ചെയ്തത്..

Viacom 18 Motion Pictures,Matchbox Pictures എന്നിവരുടെ ബന്നേറിൽ അവർ തന്നെ  നിർമിച്ച ഈ ചിത്രം Viacom 18 Motion Pictures,Panorama Studios,Paramount Pictures,Zee Studios
Eros International എന്നിവർ ചേർന്നു വിതരണം നടത്തി... ഈ വർഷത്തെ ഇന്ത്യൻ ചിത്രങ്ങളുടെ imdb rating യിൽ മുൻപന്തിയിൽ ഉള്ള ഈ ചിത്രം ക്രിട്ടിസിന്റെ ഇടയിലും ബോക്സ്‌ ഓഫീസിലും അതിഗംഭീര അഭിപ്രായവും വിജയവും ആണ്....

Star Screen Awards യിലെ മികച്ച സംവിധായകൻ, എഡിറ്റിംഗ്, film writing, Sound design എന്നിവിഭാഗങ്ങളിൽ അവാർഡുകൾ നേടിയ ചിത്രം ഇനിയും പല അവാർഡ് വേദികളിലും അവാർഡുകൾ വാരികൂട്ടട്ടെ എന്ന് ആശംസിച്ചുകൊണ്ട്... ഒരു mikacha അനുഭവം

Neeli

കള്ളിയങ്കാട് നീലി എന്നാ യക്ഷിയെ കുറിച്ച് കേൾക്കാത മലയാളികൾ  കുറവായിരിക്കും.... അതെ നീലിയെ മുഖ്യ കഥാപാത്രം ആക്കി അൽത്താഫ് റഹ്മാൻ കഥയും സംവിധാനവും നിർവഹിച്ച ഈ മലയാളം ഹൊറർ ചിത്രത്തിന്റെ തിരക്കഥ Muneer Mohammadunni,Riyas Marath എന്നിവർ ചേർന്നു നിർവഹിച്ചു....

ചിത്രം പറയുന്നത് ലക്ഷ്മിയുടെ കഥയാണ്... ജീവിതത്തിൽ കുറെ ഏറെ പ്രശ്നങ്ങൾ ഉള്ള അവർ കള്ളിയങ്കാടെ സ്വന്തം തറവാട്ടിലേക് മകൾ താരയുമായി അവിടത്തെ ഉത്സവത്തിന് വരുന്നതും അവിടെ വച്ചു മകളെ കാണാതാവുന്നതോട് കുടി അവളെയും തേടി ഇറങ്ങുന്നതും ആണ് കഥാസാരം.. ആ യാത്രയിൽ ലക്ഷ്മിയുടെ കൂടെ റെനി എന്നാ paranormal investigator ഉം കൂടാതെ രണ്ട് കള്ളന്മാരും എത്തുന്നതും അവർ ആ തട്ടിക്കൊണ്ടുപോകലിന്റെ ചുരുൾ അഴിക്കുന്നതും ആണ് കഥാസാരം....

ലക്ഷ്മി ആയി മംമ്‌തയുടെ മികച്ച അഭിനയം ആണ് ചിത്രത്തിന്റെ കാതൽ... അനൂപ് മേനോന്റെ റെനി, രണ്ട് കള്ളമാരുടെ ആയി എത്തിയ ബാബുരാജിന്റെയും, ശ്രീകുമാറിന്റെയും കഥാപാത്രങ്ങളും ചിത്രത്തിലെ കുറെ നല്ല കോമഡി മുഹൂർത്തങ്ങൾ സമ്മാനിച്ചു.. .... അതുപോലെ ലക്ഷ്മിയുടെ മകൾ താര ആയി എത്തിയ ബേബി മിയയുടെയും , ലക്ഷ്മിയുടെ ഭർത്താവ് ആയി എത്തിയ രാഹുൽ മാധവിന്റേയും കഥാപാത്രങ്ങൾ നല്ലതായിരുന്നു...

Sun Ads And Film Productions ഇന്റെ ബന്നേറിൽ  T. A. Sundar Menon നിർമിച്ച ഈ ചിത്രതിന്റെ ഛായാഗ്രഹണം മനോജ്‌ പിള്ള നിർവഹിച്ചു... ശരത് വാസുദേവ ആണ് സംഗീതം... ഈ രണ്ട് വിഭാഗങ്ങളും നല്ലതായിരുന്നു... ക്രിട്ടിസിന്റെ ഇടയിൽ മിക്സഡ് റിവ്യൂസ് കിട്ടിയ ചിത്രം ബിസ് ഓഫീസിൽ ആവറേജ് ഗ്രോസ്സർ ആയിരുന്നു എന്നാ അറിവ്.... ഒരു കൊച്ചു നല്ല ചിത്രം

Odiyan

അങ്ങനെ ഞാനും കണ്ടു ലാലേട്ടന്റെ ഒടിയൻ...സംവിധായകന്റെ തള്ളും അവസാനത്തെ ഒരു ഇരുപത് മിനിറ്റ് ഒഴിച്ചാൽ വലിയ കുഴപ്പമില്ലാതെ ഒരു വട്ടം കാണാൻ പാകത്തിന് പറ്റിയ ഒരു ലാലേട്ടൻ ചിത്രം...

Harikrishnan ഇന്റെ തിരകഥയിൽ മമ്മൂക്ക കഥ പറഞ്ഞു തന്ന ഈ ഒടിയന്റെ സംവിധാനം വീ എ ശ്രീകുമാർ മേനോൻ ആണ്... വാരണാസിയിൽ നിന്നും പതിനച്ചു വർഷങ്ങൾക് ശേഷം തിരിച്ചു സ്വതം നാടായ തേങ്കുറിശ്ശിയിൽ എത്തുന്ന ആ നാട്ടിലെ അവസാനത്തെ ഒടിയൻ ആയ മാണിക്യന്റെ ജീവിതം ഒരു past-present mix ആക്കി ആണ് എടുത്തിട്ടുള്ളത്... വെളിച്ചമില്ല രാത്രീകളിലെ ഭീകരൻ ആയ മാണിക്യൻ എന്നാ ഒടിയൻ മാണിക്യൻ ഇവിടെ ഇപ്പോൾ എന്താണ് എന്നും അദേഹത്തിന്റെ ജീവിതത്തിൽ നടന്ന ചില സംഭവനങ്ങളിലേക്കും ആണ് പിന്നീട് നമ്മളെ കൂട്ടികൊണ്ടുപോകുന്നത്.... അവിടെ പ്രണയം ഉണ്ട്, വിദ്വെഷം ഉണ്ട്, ഭീകരത ഉണ്ട് അങ്ങനെ പല സംഭവങ്ങളിലേക്കും നമ്മളെ കൂട്ടിക്കൊണ്ടുപോകുന്നു സംവിധാനയകൻ.....

പ്രകടനം എടുത് നോകുമ്പോൾ ലാലേട്ടൻ ഒടിയൻ മാണിക്യൻ ആയി നിറഞ്ഞാടുകയായിരുന്നു...ഈ വയസിൽ അദ്ദേഹം  എടുത്ത കഷ്ടപ്പാട് നമ്മൾ കാണാതെ പോകാൻ പാടില്ല... പക്ഷെ കണ്ടുകഴിഞ്ഞപ്പോൾ  അദേഹത്തിന്റെ ആ മുഖത്തെ ഭാവാഭിനയം എവിടകയോ മറന്നുപോയോ എന്ന് സംശയം തോന്നി(വാനപ്രസ്ഥം എന്നാ ചിത്രത്തിൽ അദ്ദേഹം മീശയും താടിയും വടിച്ചു അഭിനയിച്ചപ്പോളും ആ കണ്ണിലും മുഖത്തും അദേഹത്തിന്റെ തീക്ഷണത കാണാൻ ഉണ്ടായിരുന്നു.. പക്ഷെ ഇവിടെ?? ).... മഞ്ജു ചെയ്ത പ്രഭ എന്നാ കഥാപാത്രതെ കുറിച്ച് പറയുവാണേൽ അവർ അതിനെ വൃത്തിയായി ചെയ്തു... രാവുണ്ണിയും പ്രഭയും അവസാനമായി കണ്ടുമുട്ടന്ന ഭാഗത് ഉള്ള ആ സംഭാഷണത്തിൽ എവിടെയൊക്കയോ ഒരു ഭാഗത്തു മഞ്ജുവിൽ കഴിഞ്ഞ കാലത്തെ ഉണ്ണിമായെയും, ഭാനുവിനെയും കണ്ടു... പിന്നെ എല്ലാരും ട്രോൾ ചെയ്ത കഞ്ഞി ഭാഗത്തു ആ ഒരു line apt ആയി തന്നെയാണ് തോന്നിയത്... രാവുണ്ണി എന്നാ  പ്രകാശ് രാജ കഥാപാത്രത്തെ അവസാനം കോമാളിയാക്കിയില്ലേ എന്ന് തോന്നി... അവിടെ ഷമ്മി തിലകൻ അല്ലാതെ അദ്ദേഹം തന്നെ ഡബ്ബ് ചെയ്തതെങ്കിൽ കൂടുതൽ നന്നാകുമായിരുന്നു.... പിന്നെ ആ കഥാപാത്രം എവിടകയോ തിരക്കഥാകൃത്തിന്റെയും സംവിധായകന്റെയും കൈകളിൽ നിന്നും പോയി എന്ന് വ്യക്തമായി കാണാൻ ഉണ്ടായിരുന്നു...ആ വില്ലൻ കഥാപാത്രത്തിനു  കുറേക്കൂടി ഡെപ്ത് ഉണ്ടായിരുനെകിൽ ഒരു പക്ഷെ കുറെ നെഗറ്റീവ് റിവ്യൂസ് കുറഞ്ഞേനേ എന്നാണ് എന്റെ വ്യക്തിപരമായ അഭിപ്രായം... അതുപോലെ സന അൽത്താഫ് ചെയ്ത മീനാക്ഷി എന്നാ കഥാപാത്രവും മനോജ്‌ ജോഷിയുടെ മുത്തപ്പനും, നരേന്റെ പ്രകാശനും ഇഷ്ടപെട്ട കഥാപാത്രങ്ങൾ തന്നെ.... ഇവരെ കൂടാതെ ഇന്നോസ്ന്റ്, നന്ദു, സിദ്ദിഖ് എന്നിവരുടെ കഥാപാത്രങ്ങളും എന്നിക് ഇഷ്ടപ്പെട്ടു....

Lakshmi Shrikumar,Prabha Varma,Rafeeq Ahamed, എന്നിവരുടെ വരികൾക്ക് M. Jayachandran ഈണമിട്ട ഗാനങ്ങൾ എല്ലാം കേൾക്കാൻ ഈമ്പമുള്ളത് ആയിരുന്നു.. ഇതിൽ ലാലേട്ടൻ പാടിയ ഗാനം അവസാനം വച്ചതും കണ്ടോറാം എന്ന് തുടങ്ങുന്ന ഗാനത്തിന്റെ പ്ലേസ്‌മെന്റും ചിത്രത്തിന്റെ മോശം വശങ്ങളിൽ ഒന്നായി തോന്നി.... Sam C. S. ഇന്റെ പാശ്ചാത്തല സംഗീതത്തിനു ഒരു കുതിരപ്പവൻ.. അദ്ദേഹം ആ ഭാഗം അതിഗംഭീരം ആയി തന്നെ കൈകാര്യം ചെയ്തു... ചിത്രത്തിന്റെ മൂഡിന് അനിസരിച് ഒരു നല്ല വർക്ക്‌ ആയിരുന്നു അത്... Shaji Kumar ഇന്റെ ഛായാഗ്രഹണം അതിഗംഭീരം ആയി തോന്നി... പക്ഷെ ഒരു പുലിമുരുഗൻ ടച്ച്‌ പ്രതീക്ഷിച്ചു പോയ ചിലപ്പോൾ ഇഷ്ടപെടില്ലായിരിക്കും... Johnkutty ചെയ്ത എഡിറ്റിംഗിന്റെ ഒരു അപായത ഞാൻ ആദ്യം പറഞ്ഞപോലെ കണ്ടൊരാ എന്ന് തുടങ്ങുന്ന ഗാനം തന്നെ ആയിരുന്നു... ആ ഗാനം ഒരു duet ചിത്രത്തിൽ എവിടെയെങ്കിലും വേണം എന്ന് ഉറപ്പിച്ചു ഇട്ട പോലെയൊക്കെയാണ് തോന്നിയത്...

Aashirvad Cinemas ഇന്റെ ബന്നേറിൽ Antony Perumbavoor നിർമിച്ച ഈ ചിത്രം Max Creations Release ആണ് ആണ് വിതരത്തിനു എതിച്ചത്.... ക്രിട്ടിൿസിന്റെ ഇടയിൽ മിക്സഡ് റിവ്യൂസ് നേടുന്ന ചിത്രം കേരള ബോക്സ്‌ ഓഫീസിൽ മികച്ച പ്രകടനം കാഴ്ചവെക്കുന്നു.... എന്തായാലും സംവിധായകൻ പറയുന്നത് ഒന്നും  ചെവികൊള്ളാതെ ഒരു പ്രതീക്ഷയും ഇല്ലാതെ പോയി കണ്ടാൽ ചിത്രം ആസ്വദിക്കാൻ കഴിയും എന്ന് തോനുന്നു  ...personally എന്നിക് ഇഷ്ട്ടമായി.... കാണു ആസ്വദിക്കൂ.. ഒരു one time watchable ചിത്രം...

Karma (tamil)

ഒരു റൂം രണ്ട് പേർ ഒരു മർഡർ മിസ്ടറി... ഒരു കഥ സൊള്ളാട്ടുമാ?

എന്നിക് തോന്നുന്നു ഇപ്പോഴത്തെ ഇന്ത്യൻ ഫിലിം ഇൻഡസ്ട്രിയൽ അടുത്ത കാലത്ത് ഏറ്റവും കൂടുതൽ ഞെട്ടിച്ച ഇൻഡസ്ടറി തമിൾ ആയിരിക്കും... അടുത്ത കാലത്ത് വന്നാൽ പല തമിൾ ചിത്രങ്ങളും നമ്മളെ വിസ്മയിപ്പിച്ചിട്ടുണ്ട്..  കുറച്ചു വർഷം മുൻപ് ഇറങ്ങിയത് ആണ് എങ്കിലും ഈ ചിത്രം ശെരിക്കും എന്നേ ഞെട്ടിച്ചു....

തിയേറ്റർ റിലീസ് ഇല്ലാതെ നേരെ ഓൺലൈൻ പ്ലാറ്റഫോമിൽ ഇറക്കിയ ഈ ചിത്രത്തിനു  വെറും ഒരു മണിക്കൂർ മാത്രം ആണ് ദൈർഖ്യം... തമിഴ്‌സിൽവൻ എന്നാ ക്രൈം നോവലിസ്റ്റിന്റെ ഭാര്യ കൊല്ലപെടുന്നതും അതിന്റെ ഇൻവെസ്റ്റിഗേഷനിന്റെ ഭാഗമായി ഒരു പോലീസ് ഓഫീസർ അദ്ദേഹത്തെ ചോദ്യം ചെയ്യുന്നതും ആണ് കഥാസാരം... ആ യാത്ര നമ്മളെ നമ്മുടെ കർമത്തിന്റെ ഭവിഷ്യത്തിനെ കുറിച്ചും, ആര് എന്തിനു എങ്ങനെ എന്നി ഉത്തരങ്ങളിലേക് ഉള്ള വിരൽ ചൂണ്ടുകയും ചെയ്യുന്നു...

 R. Arvind കഥ തിരക്കഥ സംഭാഷണം സംവിധാനം, നിർമാണം എന്നിവ ചെയ്ത ചിത്രത്തിൽ അദ്ദേഹവും, ഒരു പോലീസ് കാരനും (സോറി അദേഹത്തിന്റെ പേർ അറിയില്ല ) ആണ് ഉടനീളം ഉള്ളത്... വിക്രം-വേദ എന്നാ ചിത്രത്തിലെ വേദിയുടെ ഇൻവെസ്റ്റിഗേഷൻ നടത്തുന്ന അതെ രീതിയിൽ ഉള്ള ഇൻവെസ്റ്റിഗേഷൻ ആണെകിലും ഇവിടെയും ചിത്രം ആ നാല് ചുവര് ഒഴിച്ച് എവിടെയും പുറത്തുപോകുന്നില്ല...ഒന്നോ രണ്ടോ ക്യാമറയും അവർ രണ്ട് പേരും അത് മാത്രം ആണ് ചിത്രത്തിൽ ഉള്ളത്...

ചിത്രത്തിന്റെ ഏറ്റവും വലിയ ഹൈലൈറ് ശക്തിശിവൻ ശിവാനന്ദം എന്നിവർ ഒരുക്കിയ അതിന്റെ ഛായാഗ്രഹണം ആയിരുന്നു....അതുപോലെ ക്യാമറ ചെയ്ത കാർത്തിക് മുകുന്ദൻ,
റാം സുന്ദർ എന്നിവർക്കും കൈയടികൾ... ഗണേഷ് നിർവഹിച്ചു മ്യൂസികും പാശ്ചാത്തല സംഗീതവും അതിഗംഭീരം ആയിരുന്നു... വിനോദ ബാലൻ ആണ് എഡിറ്റർ...

ഒരു ഫ്രെയിം ബൈ ഫ്രെയിം മികച ക്രൈം ത്രില്ലെർ ആയ ഈ ചിത്രം Madrid International Film Festival യിൽ Foreign Feature Best Movie വിഭാഗത്തിൽ മികച്ച സംവിധായകനുള്ള നോമിനേഷൻ നേടിടുണ്ട്... തിയേറ്റർ റിലീസ് അല്ലാതെ amazon prime പോലത്തെ ഓൺലൈൻ പ്ലാറ്റഫോമിൽ ഇറക്കിയ ചിത്രം ക്രിറ്റിക്സിന്റെ ഇടയിൽ അതിഗംഭീര അഭിപ്രയം നേടി.... ഒരു മികച ശ്രമം... Don't miss

വാൽകഷ്ണം:
Amazon prime യിൽ ആണ് ഞാൻ ചിത്രം കണ്ടത്.. അതുകൊണ്ട തന്നെ ചിത്രത്തിന്റെ ഡൌൺലോഡ് ലിങ്ക് ഒന്നും കയ്യിൽ ഇല്ലാ....

The Vanished Elephant (El elefante desaparecido :spanish)

Javier Fuentes-León കഥയും തിരക്കഥയും രചിച്ച ഈ മിസ്ടറി ക്രൈം ത്രില്ലർ അദ്ദേഹം തന്നെ ആണ് സംവിധാനം ചെയ്തത്...

ചിത്രം പറയുന്നത് Edo Celeste എന്നാ ക്രൈം നോവലിസ്റ്റിന്റെ കഥയാണ്... 2007 യിൽ പെറുവിൽ നടന്ന ഒരു ഭൂകമ്പത്തിൽ സ്വന്തം ഫിയാൻസി സീലിയയെ നഷ്ട്ടപെട്ട അദ്ദേഹം ഇപ്പൊ ജീവിതം വളരെ വിരസമായി ക്രൈം നോവൽ എഴുതി ജീവിച്ചു പോകുന്നു... ഏഴു വർഷങ്ങൾക്കു ഇപ്പുറം അദേഹത്തിന് ഒരു സ്ത്രീ കുറച്ചു ഗൂഢമായ ചില ഫോട്ടോസ് എത്തിക്കുന്നതും ആ ഫോട്ടോസിലൂടെ അദ്ദേഹം അറിഞ്ഞുകൊണ്ട് സ്വന്തം ജീവിതം വച്ചു സിലിയയെ കണ്ടുപിടിക്കാൻ ഇറങ്ങുന്നതും ആണ് കഥാസാരം...

Edo Celeste എന്നാ കഥാപാത്രം ആയി  Salvador del Solar ഇന്റെ മിന്നും പ്രകടനം ആണ് ചിത്രത്തിന്റെ ഹൈലൈറ്... Vanessa saba യുടെ Celia Espinoza, Angie Cepeda യുടെ mara de Barclay എന്നീകഥാപാത്രങ്ങളും ചിത്രത്തിലെ മറ്റു പ്രധാന ഭാഗങ്ങൾ ആണ്...

Mauricio Vidal ഛായാഗ്രഹണം നിർവഹിച്ച ഈ ചിത്രത്തിന്റെ മ്യൂസിക്  Selma Mutal നിർവഹിച്ചു... എഡിറ്റർ Phillip J. Bartell  ഈ മൂന്ന് വിഭാഗങ്ങൾ ചിത്രത്തിന്റെ ഏറ്റവും മികച്ച ഭാഗങ്ങൾ ആണ്..ചില ഷോട്സ് ഞെട്ടിച്ചിച്ചു... ക്യാമറ വിഭാഗം കൈകാര്യം ചെയ്ത Hector alvarez ഉം സ്വതം ജോലി മികച്ചതാക്കി... ഒന്നോ രണ്ടോ സീൻസ് വീണ്ടും വീണ്ടും കാണാൻ പ്രേരിപികുന വിധം ആണ് അദ്ദേഹം ക്യാമറ കൈകാര്യം ചെയ്തത്....

 El Calvo Films, Dynamo, Tondero Films, Cactus Flower Producciones, Fast Producciones എന്നി പ്രൊഡക്ഷൻ കമ്പനികളുടെ ബന്നേറിൽ Javier Fuentes-Leon, Michel Ruben, Andres Calderon, Delia Garcia എന്നിവർ നിർമിച്ച ഈ ചിത്രത്തിനു Film Club's The Lost Weekend  അവാർഡിൽ മികച്ച നടനുള്ള പുരസ്കാരം ലഭിച്ചിട്ടുണ്ട്... ക്രിട്ടിൿസിന്റെ ഇടയിലും ബോക്സ്‌ ഓഫീസിലും മികച്ച അഭിപ്രായവും വിജയവും കൈവരിച്ച ചിത്രം ഇനി മുതൽ എന്റെ ഇഷ്ട ചിത്രങ്ങളിൽ ഒന്ന് തന്നെ

Joseph:Man With The Scar

"അതൊരു സാധാരണ ആക്‌സിഡന്റ് അല്ല ഒരു കൊലപാതകം ആണ് "

Shahi Kabir കഥയും തിരക്കഥയും രചിച്ച ഈ പദ്മകുമാർ ചിത്രം അദേഹത്തിന്റെ സംവിധാന മികവിന്റെ ഒരു പൊൻതൂവൽ ആയി മാറുന്നു...

നാളുകൾക്കു മുൻപ് പോലീസ് ജീവിതം അവസാനിപ്പിച്  പഴയ ഒരു പോലീസ്‌കാരന്റെ കഥയാണ് ജോസഫ്... അദേഹത്തിന്റെ കൂർമബുദ്ധി ഇപ്പോൾ സെർവിസിൽ ഇല്ലെങ്കിലും അദ്ദേഹിതിന്റെ മുകളിൽ ഉള്ളവർ അവരുടെ ഉന്നതിക് വേണ്ടി ഇപ്പോഴും ഉപയോഗിച്ചുകൊണ്ട് നില്കുന്നു... ആ ഇടക് അദേഹത്തിന്റെ ജീവിതത്തിൽ നടക്കുന്ന ചില സംഭവങ്ങൾ അദ്ദേഹത്തെ ഒരു കേസിന്റെ പിന്നാലെ പോകാൻ പ്രേരിപികുനതും ആ കേസ് അദ്ദേഹത്തിൻറെ ജീവിതത്തിലെ തന്നെ ഏറ്റവും മികച്ച അദ്ധ്യായം ആയി മാറുന്നതാണ് കഥാസാരം...

ജോസഫ് എന്നാ കഥാപാത്രം ജോജോവിന്റെ സിനിമാജീവിതന്റെ പൊൻതൂവൽ ആണ്... വില്ലൻ, കൊമേഡിയൻ, അങ്ങനെ പല വേഷങ്ങൾ അദ്ദേഹം കെട്ടിയാടിട്ടുണ്ട് എങ്കിലും ഈ ചിത്രം കണ്ടു കഴിഞ്ഞപ്പോൾ അദ്ദേഹത്തെ മുന്നിൽ കണ്ടാൽ ഓരോ മലയാളിക്കും ചോദിക്കാൻ ഒരു ചോദ്യം ഉണ്ടാകും "ഇത്രെയും കാലം താങ്കൾ  എവിടായിരിന്നു? "ഇപ്പോഴും ആ കഥാപാത്രം മനസ്സിൽ നിന്നും പോകുന്നില്ല.. അതുപോലെ Dileesh Pothan ഇന്റെ പീറ്റർ, Sudhi Koppa യുടെ സുധി, Malavika Menon ഇന്റെ ഡയാന എന്നി കഥാപാത്രങ്ങളും ചിത്രത്തിന്റെ മികച്ച ഭാഗങ്ങൾ ആണ്...

Ranjin Raj ചെയ്ത സംഗീതം ആണ് ചിത്രത്തിന്റെ മറ്റൊരു ഹൈലൈറ്...ആദ്യ ഗാനം ആയ പണ്ട് പാടവരമ്പത്തിലൂടെ എന്ന് തുടങ്ങുന്ന ഗാനം നമ്മളെ ചിത്രത്തിലേക് കൂട്ടികൊണ്ടുപോയപ്പോൾ ബാക്കി എല്ലാ ഗാനങ്ങളും ചിത്രത്തിന്റെ ഏറ്റവും മികച്ച വിഭാഗങ്ങൾ ആയി...

Manesh Madhavan ഇന്റെ ഛായാഗ്രഹണവും Kiran Das ഇന്റെ എഡിറ്റിംഗും ചിത്രത്തിന്റെ ഏറ്റവും മികച്ച രണ്ട് വിഭാഗങ്ങൾ ആയി കാണപ്പെട്ടു.... ഹൈ റേഞ്ച് ഷോട്സ് എല്ലാം അതി ഗംഭീരം ആയിരുന്നു...സംശയമില്ലാതെ പറയാം സംവിധായകൻ പദ്മകുമാറിന്റെ ഏറ്റവും മികച്ച ചിത്രം ഇത് തന്നെ...

Appu Pathu Pappu Production ഇന്റെ ബന്നേറിൽ Joju George നിർമിച്ച ഈ ചിത്രം Showbiz Studios ആയി വിതരണം നടത്തിയത്.. ക്രിട്ടിൿസിന്റെ ഇടയിൽ മികച്ച അഭിപ്രയം നേടിയ ചിത്രം നമ്മൾ മലയാളികൾ ഒരിക്കലും കൈവെടിയുറത്... മെമ്മറീസ്ഉം ദൃശ്യവും പോലെ മലയാള സിനിമാചരിത്രത്തിൽ ഒരു മികച്ച അദ്ധ്യായം ആകാൻ ഈ ചിത്രത്തിന് എല്ലാ അവകാശവും ഉണ്ട്....

Best malayalam movie of 2018

Savyasachi (telugu)

Naveen Kumar ഇന്റെ കഥയ്ക്കും തിരകഥയ്ക്കും Chandoo Mondeti സംവിധനം നിർവഹിച്ച ഈ തെലുഗ് ആക്‌ഷൻ ചിത്രത്തിൽ Naga Chaitanya, R. Madhavan, Nidhhi Agerwal,bhoomika, chawla എന്നിവറ് പ്രധാനകഥാപാത്രങ്ങൾ ആയി എത്തി...

ഒരു ശരീരവും രണ്ട് മനസും ആയി ജീവിക്കുന്ന ആദിത്യയുടെ  കഥയാണ് ചിത്രം പറയുന്നത്... Vanishing Twin Syndrome എന്നാ പ്രത്യേക പ്രശനം ഉള്ള ആദിത്യയുടെ കൂടെ അവനും പോലെ കാണാതെ അവന്റെ ഇടതു കൈ ആയി ഏട്ടൻ വിക്രം അവനോടു ചേർന്നു അവന്റെ ഉള്ളിൽ ജീവിക്കുന്നതും അവന്റെ എല്ലാ പ്രശ്നങ്ങളിലും ഇടപെട്ടു അവനെ സഹായിക്കുന്നു.... . അതിനിടെ ആദിയ്ത്യയുടെ ജീവിതത്തിൽ അരുൺ എന്നാ കഥാപാത്രം എത്തുന്നതോടെ കുടി അവന്റെയും കുടുംബത്തിന്റെയും താളം തെറ്റുന്നതും ആണ് കഥാസാരം..

വിക്രം /ആദിത്യ ആയി Naga Chaitanya എത്തിയപ്പോൾ അരുൺ ആയി മാധവൻ അദ്ദേഹത്തിന്റെ വില്ലൻ കഥപാത്രം അതിഗംഭീരം ആക്കി.... ഭൂമികയുടെ Siri എന്നാ ഏടത്തി  കഥാപാത്രവും മികച്ചതായിരുന്നു.... Nidhhi Agerwal തന്റെ ആദ്യ ചിത്രത്തിൽ  ചിത്ര എന്നാ നായിക കഥാപാത്രം  ചെയ്തു.... ഇവരെ കൂടാതെ കിഷോർ, ദിക്ഷിതാ സെഹ്ഗേൾ എന്നിവരും അവരുടെ റോൾ മികച്ചതാക്കി...

Mythri Movie Makers ഇന്റെ ബന്നേറിൽ Naveen Yerneni
C.V. Mohan Y. Ravi Shankar എന്നിവർ ചേർന്നു നിർമിച്ച ഈ ചിത്രത്തിന്റെ എഡിറ്റിംഗ് Kotagiri Venkateswara Rao ഉം ഛായാഗ്രഹണം J. Yuvaraj ഉം നിർവഹിക്കുന്നു.....

Ananta Sriram, Veturi Sundararama Murthy, Ramajogayya Sastry,K Shivadatta, Ramakrishna Koduri എന്നിവരുടെ വരികൾക്ക് M. M. Keeravani സംഗീതം നിർവഹിച ഏഴോളം ഗാനങ്ങൾ ആണ് ചിത്രത്തിൽ ഉള്ളത്.. ഇതിൽ സവ്യസാചി എന്ന് തുടങ്ങുന്ന ടൈറ്റിൽ ട്രാക്ക് മികച്ചതായി തോന്നി.... Lahari Music ആണ് ഗാനങ്ങൾ വിതരണം നടത്തിയത്... ഒരു വട്ടം കണ്ടിരിക്കാം...

Raabta(hindi)

Siddharth-Garima ഇന്റെ കഥയ്ക്കും തിരക്കഥയ്ക്കും Irrfan narrate ചെയ്തു Dinesh Vijan സംവിധാനം ചെയ്ത ഈ ഹിന്ദി  epic romantic adventure ചിത്രത്തിൽ Sushant Singh Rajput, Kriti Sanon, Jim Sarbh എന്നിവർ പ്രധനകഥാപാത്രങ്ങൾ ആയി എത്തി...

Shiv Kakkar എന്നാ യുവാവ് ബുഡാപെസ്റ് എന്നാ സ്ഥലത്തു ജോലിക്ക് എത്തുന്നു... അവിടെ വച്ചു പരിച്ചയപെടുന്ന സൈറ സിങ്ങും ആയി അടുപ്പത്തിലാകുന്ന അവരുടെ ജീവിതത്തിലേക് ഒരു സാകിർ എന്നാ ഒരാൾ എത്തുന്നതും അത് അവരുടെ പഴയ ജന്മത്തിൽ നടന്ന സംഭവങ്ങളിലേക്ക് വിരൽ ചൂണ്ടുന്നതും ആഞ്ഞു കഥാസാരം....

Shiv/jilaal എന്നാ കഥാപാത്രങ്ങൾ ആയി Sushant Singh Rajput എത്തിയപ്പോൾ Saira Singh/Saiba ആയി Kriti Sanon ഉം Zack Merchant/Qaabir എന്ന കഥാപാത്രങ്ങൾ ആയി Jim Sarbh ഉം എത്തി... ഇവരെ കൂടാതെ Varun Sharma, Vikas Verma, Rajkummar Rao എന്നിങ്ങനെ വലിയൊരു താരനിരയും ചിത്രത്തിൽ ഉണ്ട്....

Maddock Films ഇന്റെ ബന്നേറിൽ Dinesh Vijan,Homi Adajania
Bhushan Kumar എന്നിവർ ചേർന്നു നിർമിച്ച ഈ ചിത്രം T-Series ആണ് വിതരണം നടത്തിയത്.... രാജമൗലി ചിത്രം മഗധീരയുമായി സാമ്യം ഉള്ളത് കാരണം ചില പ്രശ്ങ്ങളിൽ അകപ്പെട്ട ചിത്രം ക്രിട്ടിൿസിന്റെ ഇടയിൽ മിക്സഡ് റിവ്യൂസ് ഉം ബോക്സ്‌ ഓഫീസിൽ പരാജയവും ആയി.. A. Sreekar Prasad
Huzefa Lokhandwala എന്നിവർ ചേർന്നു എഡിറ്റിംഗ് നിർവഹിച്ച ഈ ചിത്രത്തിന്റെ ഛായാഗ്രഹണം Martin Preiss ആയിരുന്നു....കുറെ നല്ല ഫ്രെയിംസ് ചിത്രത്തിൽ ഉണ്ട്...

Amitabh Bhattacharya,Kumaar,Irshad Kamil എന്നിവരുടെ വരികൾക്ക് Pritam, JAM8, Sohrabuddin,Sourav Roy എന്നിവർ ചേർന്നു ഈണമിട്ട ആറോളം ഗാനങ്ങൾ ആണ് ചിത്രത്തിൽ ഉള്ളത്... ഇതിലെ റാബിത എന്നാ ഗാനം 2012 ഇല്ല പുറത്തിറങ്ങിയ ഏജന്റ് വിനോദ് എന്നാ ചിത്രത്തിലെ ഇതേ പേരിലുള്ള ഗാനത്തിന്റെ റീമിക്സ് വേർഷൻ  ആയിരുന്നു... Sachin-Jigar എന്നിവർ ചേർന്നു ബാക്ക്ഗ്രൗണ്ട് സ്കോർ കൊടുത്തു...

10th Mirchi Music Awards യിലെ Album of The Year എന്നാ വിഭാഗത്തിൽ നോമിനേറ്റ് ചെയ്യപ്പെട്ട ഈ ചിത്രം വെറുതെ  ഒരു വട്ടം കണ്ടിരിക്കാം.....

2.0 (tamil)

Shankar ഇന്റെ കഥയ്ക് അദ്ദേഹവും ജയമോഹനും കുടി തിരക്കഥ രചിച്ച ഈ Indian Tamil-language science fiction action ശങ്കർ ചിത്രത്തിൽ രജനികാന്ത്, അക്ഷയ് കുമാർ, എമി ജാക്ക്സൺ എന്നിവർ പ്രധാനകഥാപാത്രങ്ങൾ ആയി എത്തി....

2010 ഇന്റെ സീക്വൽ ആയി എത്തിയ ഈ ചിത്രം നമ്മുടെ ജീവിതത്തിൽ മൊബൈൽ ഫോണിന്റെ ഉപയോഗം എങ്ങനെ ആണ് പക്ഷികളുടെ നാശനത്തിനു കാരണമാകുന്നു എന്നാ സോഷ്യൽ മെസ്സേജ് ഒരു ഫാന്റസി ഫിക്ഷൻ മോഡിൽ പറഞ്ഞു തരുന്നു...

ഒരു നാൾ chennai നഗരത്തിൽ ഉള്ള ആൾക്കാരുടെ ഫോണുകൾ പെട്ടന്ന് തനിയെ ആകാശത്തേക്കു പറന്നു പോകുന്നതും ആ പ്രതിഭാസതിന്റെ ഉത്ഭവത്തെ കുറിച്ച് മനസിലാക്കാൻ ഇറങ്ങുന്ന വസീഗരനും സംഘനവും പക്ഷിരാജൻ പക്ഷികൾക് ജീവിതം  ചുരുങ്ങുന്നതും പിന്നീട് അയാളെ തടുക്കാൻ ചിട്ടി 2.0വേ ഇറക്കുന്നതും ആണ് കഥാസാരം...

പ്രകടനം എടുത്താൽ പക്ഷിരാജാ അക്ഷയ് കുമാറിന്റെ സിനിമാജീവിതത്തിലെ ഒരു നാഴികക്കല്ല് ആയി പറയാൻ പറ്റും.. കാരണം അദ്ദേഹം മാത്രം ആണ് ചിത്രത്തിന്റെ നട്ടൽ...ഒരു തട്ടുറപ്പുള്ളത അല്ലെങ്കിൽ തട്ടിക്കൂട്ടിയ തിരക്കഥയെ തിയേറ്ററിൽ പിടിച്ചു ഇരുത്തിയ ഒരേ ഘടകം അദേഹത്തിന്റെ പ്രകടനം മാത്രം ആണ്..ഒരു 1 മണിക്കൂർ കൊണ്ട് പറയേണ്ടത് വിളിച്ചു നീട്ടി രണ്ടര മണിക്കൂർ ആക്കിയത് ഒരു കല്ലുകടി മാത്രം ആയി ആണ് തോന്നിയത്...പിന്നെ പറയേണ്ടത് രജനി സാറിന്റെ പ്രകടനം ആണ്..  വസീഗരൻ, 2.0 പിന്നെ ഒരു സർപ്രൈസ് കഥാപാത്രവും ആയി അദ്ദേഹം സ്വന്തം വേഷം അതിഗംഭീരം ആക്കി... ചിത്രത്തിൽ ഓർത്തുവെക്കാൻ ആകെയുള്ളത് അവസാനത്തെ ഒരു അര മണിക്കൂർ ഉം പക്ഷിരാജയുടെ ഒരു പതിനച്ചു മിനിറ്റുമാണ്.... ആദ്യ ഭാഗത്തു ഉണ്ടായ സന എന്നാ കഥാപാത്രം ഇവിടെ തമന്നയ്ക് ബാഹുബലി 2 യിൽ ഉള്ള സ്പേസ് പോലും ഇല്ലാ.. പിന്നെ ആമി ജാക്ക്സൺ.. കുഴപ്പമില്ലായിരുന്നു.... നമ്മുടെ സ്വന്തം ഷാജോൺ ഇന്റെ വൈരമുത്തു എന്നാ കഥാപാത്രം എന്നിക് ഇഷ്ടപ്പെട്ടു....ആ കഥാപാത്രം അദ്ദേഹം വളരെ വൃത്തിയായി ചെയ്തു...ഇവരെ കൂടാതെ സുധാൻഷു പണ്ടേ, അനന്തു മഹാദേവൻ, ആദിൽ ഹുസൈൻ എന്നിവരും ചിത്രത്തിൽ മറ്റു കഥാപാത്രങ്ങൾ ആയി എത്തി....

Lyca Productions ഇന്റെ ബന്നേറിൽ A. Subaskaran ഇൻ നിർമിച്ച ഈ  ചിത്രം Lyca Productions,Dharma Productions,AA Films[1]
എന്നിവർ സംയുക്തമായി ആണ് വിതരണം നടത്തിയത്.. A. R. Rahman ഇന്റെ രാജലി എന്നാ തുടങ്ങുന്ന ഗാനം ഒഴിച്ചുള്ള രണ്ട് ഗാനങ്ങൾ വലിയ ഇഷ്‍ടമായില്ല ... പിന്നെ എടുത്തു പറയേണ്ട വിഭാഗം ആയി തോന്നിയത് ഛായാഗ്രഹണവും 3ഡി  യും ആണ്.... പ്രത്യേകിച്ച് തുടക്കത്തിൽ എഴുതികാണിക്കുന്ന ഭാഗങ്ങളിലെ 3ഡി മികച്ചതായി അനുഭവപെട്ടു... അതുപോലെ ചിത്രത്തിൽ ഉടനീളം കുറച്ചു നല്ല 3d സീക്യുയെൻസ് ഉണ്ട്... അതെല്ലാം മികച്ചതായി തോന്നി.. അവസാനത്തെ പക്ഷിരാജനും-ചിട്ടിയും തമ്മിലുള്ള ഫയിട് മാത്രം ആകും ചിത്രം കഴിഞ്ഞു ഇറങ്ങുമ്പോൾ ചിത്രത്തിൽ ആകെ ഓർത്തുവെക്കാൻ ഉണ്ടാകുക...

Nirav Shah ഛായാഗ്രഹണം നിർവഹിച്ച ചിത്രത്തിന്റെ എഡിറ്റിംഗ് ആന്റണി കൈകാര്യം ചെയ്തു... ക്രിട്ടിൿസിന്റെ ഇടയിൽ നല്ല പ്രതികരണം നേടിയ ചിത്രം ഇന്ത്യൻ ബോക്സ്‌ ഓഫീസിൽ മികച്ച പ്രതികരണം നടത്തുന്നു... 2d, 3d വ്വെറെഷൻസ് ഉള്ള ഈ ചിത്രം കാണാൻ പോകുന്നെങ്കിൽ 3d യിൽ ഒരു മികച്ച തിയേറ്ററിൽ കാണാൻ പോകുക...മൊത്തത്തിൽ ചിത്രം ഒരു ആവറേജ് അനുഭവം ആണെങ്കിലും പക്ഷിരാജൻ പറഞ്ഞ ചില കാര്യങ്ങൾ നമ്മള് ഒരു നമ്മുടെ ചുറ്റും നോക്കിയാൽ ശരിയല്ലേ എന്ന് തോന്നിക്കും... Strictly to be watched in good 3d theater only....

Tumbbad(hindi)

"മകന്റെ ആ ചോദ്യം സ്വന്തം അന്ത്യയാത്രയാണെന്നു മനസിലാക്കാൻ വിനായക് വളരെ ഏറെ വൈകിയിരുന്നു "

Mitesh Shah,Adesh Prasad,Rahi Anil Barve,Anand Gandhi എന്നിവരുടെ കഥയ്ക്കും തിരക്കഥയ്ക്കും Rahi Anil Barve, Anand Gandhi, Adesh Prasad എന്നിവർ ചേർന്നു സംവിധാനം ചെയ്ത ഈ Hindi  historical period fantasy horror  ചിത്രത്തിൽ Sohum Shah പ്രധാന കഥാപാത്രം ആയി എത്തി...

തുംമ്പട് എന്നാ സ്ഥലത്തു നടക്കുന്ന ഈ ചിത്രം നമുക്ക് ഒരു കഥവായിക്കുന്ന രീതിയിൽ മൂന്ന് അധ്യായങ്ങളിൽ ആണ് പറഞ്ഞു പോകുന്നത്.. 1947 യിൽ  വിനായക്  മകനോട് അദേഹത്തിന്റെ പൂവജർ കൈവച്ചിരുന്ന സ്വത്തിനെ കുറിച്ച് പറഞ്ഞു കൊടുക്കുന്നതും അതിന്റെ ഉത്ഭവത്തെ പറ്റിയും അതിനെ പ്രാപിക്കാൻ ഉള്ള മാർഗങ്ങൾ പറഞ്ഞുകൊടുക്കുന്നതിൽ നിന്നും തുടങ്ങുന്ന ചിത്രം പിന്നീട് ആ നിധിയുടെ ഉത്ഭവത്തെ പറ്റിയും അയാളും ആ നിധിയും തമ്മിലുള്ള ബന്ധത്തെ പറ്റിയും നമ്മളോട് സംവദിക്കുന്നു...

മിതേഷ്‌ ഷാഹിന്റെ വിനായക് എന്നാ കഥാപാത്രം ആണ് ചിത്രത്തിന്റെ കാതൽ...  മികച അഭിനയം ആണ് അദ്ദേഹം കാഴ്ചവെക്കുന്നത് ... അദേഹത്തിന്റെ കൂടെ അഭിനയിച്ച പല കഥാപാത്രങ്ങളും ഇപ്പോളും കണ്ണിൽ നിന്നും മായുന്നില്ല... Jyoti Malshe യുടെ അമ്മ Dhundiraj Prabhakar Joglekar കുഞ്ഞു വിനായക്, Harish Khanna യുടെ Samsthanik എന്നിവർ ചിലതു മാത്രം...

ഒരു ചിത്രത്തിന്റെ വിജയത്തിന് ഛായാഗ്രഹണം എത്ര പ്രാധാന്യമുണ്ട് എന്ന് ഈ ഒറ്റ ചിത്രത്തിൽ നിന്നും നമുക്ക് മനസിലാവും... കാരണം ഇതിന്റെ ചായാഗ്രഹണം മാത്രം മതി ആ ചിത്രത്തിനെ ഓർത്തുവെക്കാൻ.... Pankaj Kumar അങ്ങയ്ക്കു അഭിവാദ്യങ്ങൾ.... ഒരു അവാർഡ് അദ്ദേഹത്തിന് കിട്ടട്ടെ എന്ന് ആശംസിക്കുന്നു... അതുപോലെ സംഗീതം... ഓരോ മികച്ച ഭീകരാത്തരീക്ഷം സൃഷ്ടിക്കാൻ Ajay-Atul, Jesper Kyd എന്നിവരക് പൂർണമായും സാധിച്ചു.. ചില ഇടങ്ങളിൽ ഞെട്ടി ഫോൺ താഴെ വരേ പോയി.... അത്രയും മനോഹരം... Sanyukta Kaza യുടെ എഡിറ്റിംഗിനും ഒരു കുതിരപ്പവൻ....

Eros International,Sohum Shah Films,Colour Yellow Productions,Film I Vast,FilmGate Films എന്നിവരുടെ ബന്നേറിൽ Sohum Shah,Mukesh Shah,Amita Shah എന്നിവർ നിർമിച്ച ഈ ചിത്രം Eros International ആണ് വിതരണം നടത്തിയത്... Ajay Atul ഇന്റെ ടൈറ്റിൽ ട്രാക്ക് തന്നെ ചിത്രത്തിന്റെ ആ യാത്രക് എത്ര പ്രാധാന്യം ഉണ്ട് എന്ന് പിന്നീട് നമ്മളെ മനസിലാക്കിത്തരും...

75th Venice International Film Festival യിൽ ആദ്യ പ്രദർശനം നടത്തിയ ഈ ചിത്രം അവിടെ സ്ക്രീൻ ചെയ്യപ്പെടുന്ന ആദ്യ ഇന്ത്യൻ ചിത്രം എന്നാ ഖ്യാതിയും നേടി... Fantastic Fest,Sitges Film Festival,Abertoir Film Festival,Screamfest International Film Festival, El Gouna Film Festival എന്നിങ്ങനെ പല വേദികളിലും നിറഞ്ഞ കൈയടിയോടെ പ്രദര്ശിപ്പിക്കപ്പെട്ട ചിത്രം Screamfest International Film Festival ളിലെ മികച്ച ചിത്രമായും, മികച്ച Visual effects എന്നാ വിഭാഗത്തിലും അവാർഡിന് അർഹമായി...

ക്രിട്ടിൿസിന്റെ ഇടയിൽ മികച്ച അഭിപ്രായം നേടിയ ഈ ഹിന്ദി-മറാഠി ചിത്രം ബോക്സ്‌ ഓഫീസിലും മികച്ച പ്രകടനം ആണ് കാഴ്ചവെക്കുന്നത്...ചിത്രത്തിന്റെ  ഒരു രണ്ടാം ഭാഗവും വരുന്നു എന്ന് കേൾക്കുന്നു... ഞാൻ കണ്ട സിനിമകളിൽ എന്റെ ഈ വർഷത്തെ ഏറ്റവും മികച്ച ചിത്രങ്ങളിൽ ആദ്യ സ്ഥാനം ഇനി മുതൽ ഇത് തന്നെ.... Don't miss